Sad Poetry: 2012

Wo samne aye to Nazron ko Jhukaa loon gi

Dekhoon gi nahi phir bhi Tasweer bana loon gi

Aana ho to aa jao Ruswayee nahi hogi
Dekhega nahi koi Palkon mai chupa loon gi

Jo Hum per guzarni hai ek bar guzar jaye
Her Gham ki tarha Tujh ko Seene se laga loon gi

Weeran agar Dil ho Aankhon mai Andhera ho
Yaadon ke Diye apni Palkon mai saja loon gi

Manzoor agar hogi Ruswayi Teri Mujh ko
Mai beth ke Sahil se Toofaan utha loon gi

Kyun Mujh se Khafa ho ker wo Door gaye
Baanhon mai wo aa jayaen mai un ko Mana loon gi

Har din nazar aata hai mujhe raat tere baad

Har din nazar aata hai mujhe raat tere baad
Phir zindagi ne chora mera sath tere baad

Mere hont hansi bhoole meri ankh hue num
Kitne bure hue hain halat tere baad

Hain nafraten hi nafraten aa dekh to sahi
Dunia hoi hai kitni badzaat tere baad

Ansoo hain keh ankhon ka bharam rakhte hi nahi
Rukti nahi hai ashkon ki barsaat tere baad

Tahzeeb tujh ko bholna chahe tu kis tarah
Hain dil mein ab bhi tere khaialaat tere baad

Tumhara Naam likh likh ker Mitana bhool jata hoon

Tumhara Naam likh likh ker Mitana bhool jata hoon
Tumhein jab Yaad karta hoon, Bhulana bhool jata hoon

Boht si aisi Baatein hain jo Mere Dil mai rehti hain
Magar jab Tum se milta hoon, Sunana bhool jata hoon

Tumhare baad ab her Pal bari Mushkil se Kat-ta hai
Mai aksar Tum ko Khuwabon mai, Batana bhool jata hoon

Mai her Shaam kehta hoon Tum ko bhool jaoonga
Magar jab Subah hoti hai, Iraada bhool jata hoon

Jo mila us ne mere dil ko khelona jana

Jo mila us ne mere dil ko khelona jana
Kheel k toor deya
Toor k choor deya
Hai yeh mera afsana

Main ne har dard ko sene se lagana chaha
Khud sitam sah k zamane ko hansana chaha
Phir bhi duniya hai khafa
Mera dil meri wafa
Koi nahi pahchana

Aankh main sare zamane ki khatakta hi raha
Dard_e_ awara ki mannde bhatakta hi raha
Urte patoon ki tara
Main to jis simt chala
Sath chala virana

Jo mila us ne mere dil ko khelona jana

Tere Firaaq k lamhe shumar karte hoye


Tere Firaaq k lamhe shumar karte hoye

Tere Firaaq k lamhe shumar karte hoye,
Bikhar gaye hain Tera Intizaar karte hoye

To Mai b Khush hoon koi us se ja k keh de,
Agar wo Khush hai Mujhe Be-Qarar karte hoye

Mai Muskurata hua Aaine mai ubhrunga,
Wo Ro parega Achanak Singhaar karte hoye

Tujhe Khabar hi nahi Toot gaya hai koi,
Mohabbat ko boht Paaidar karte hoye

Wo Keh rahi thi Samandar nahin hai Aankhon mai,
Mai un mai Doob gaya Aitbaar karte hoye